Kongreya Neteweyî û bicîhkirina "xewna mezin" ~ HAWARNET Nêrîn

9/13/13

Weku jêderên dîrokê bo me diyarkirî ku Kurdistan pitiriya caran li bin gef û hêrişên dijminan bû, çavên hemuwan li ser Kurdistanê bûn, jiber ku xudayê mezin devereka sitratîjî daye kurdan, herwesa jiber zengîniya xakê wê...
______________________________________________________________________________




FORUMA HEVBEŞ
  


Hawar Net



13 Îlon, 2013 Weşandin:0431 (Gor Dema Kurdistanê), hawarnet.com






______________________________________________________________________________




Her ji kevinda miletê kurd li hemî parçeyên Kurdistanê toşî nexoşî û çewisandinê bûye. Bi taybetî jî li başurê Kurdistanê, çunku li ser destên rijêmên kevneperstên kursîka desthelatê li Îraqê wergirtî, bi her rêkeka hebît bikarînaye dijî miletê Kurd bi merema nehêlan û ji navbirina wî, anku Kurdistan cihê berêxodana rijêmên kevneperst û Împiryalîzma cîhanî bûye, çunku Kurdistan dikevîte di navbera çendîn cihên giring da, mîna: Givanda Enadolê û warê di navbera herdu rûbaranda, zor cihên dîtirên girinik ku rêkên bazirganîne ku di pirin ji serçaweyên samanên siruştî, mîna: Gaz, Kibrît, Fosfat, Fisfor, Asin, zêr û elmasî û hemî curên dîtirên kanzayên bi navûdeng û bi beha, herwesa destê karker yê erzan li deverên Kurdistanê, bi taybetî jî piştî vê dumahiyê gaz bi rengekê berfireh li vê deverê peydabûyî, lew ji hemî layanve hewil hene destên xwe danine ser vê deverê.

Lê ji kevnda û taku nihu jî miletê kurd hemî deman berhingariya vê pîlanê kiriye ku di encamda bi hizareka qurbanîdayine bo parastina xakê Kurdistanê yê pîroz, jiber vê berhengariya bihêz ji layê miletê kurdve, her rijêmeka hatiye ser kursîka desthelatê li her parçeyeka Kurdistanê êkser hemî hêzên xwe yên leşkirî kêşayine deverên Kurdistanê bi merema dagîrkirin û bidestve înana Kurdistanê, anku bi hemî reng û rêka dijminên miletê kurd pîlan gêrayine û duberekî û neviyan û jêkcudakirin û li berêkireşkirin êxistîne di navda, taku radideyekî şiyayine kontirolê jî li ser biken û wan jêkveken, bi rêka pirsên ayînî, mezhebî, tayfî û zimanî bêxine di navbera miletê kurda, wek: Eve zazaye, eve Feylî ye, eve kirmance, ewê he badînî ye, yê dî Şî`e ye, ewê henê Sunî ye, eve dîmokratxwaze û eve suşiyalîste û... hwd. 

Lê li vî serdemê zêrîn ku ronahiyek li başorê Kurdistanê peydabûye bi hîmeta hemî serkirdeyên Kurdistanî, bi taybetî serok Barzanî ku pîrozbahiya girêdana kongireyê neteweyî daye miletê kurd li hemî Kurdistanê, herwesa bersîngê pitiriya welat û hêzên zilhêzên cîhanê, bi taybetî jî yên herêmî girtin, çunku ew rêgirbûn bo girêdana kongireyê neteweyiyê kurd, lew hemî welatiyên kurd keyfxoş bûn bi vê pêngava pîroz.

Tiştê dilxoşker ewe ku dê hemî layen û part û kesayetiyan di kongireyê netewey da peyam û peyiva xwe hebît, li vêre jî peyama me welatiyan bo kongireyê navbirî ewe ku bila ew bibîte belgeyeka mezin li cem hemî take kesên kurd û bihête zanîn ku xwîna kurdan êdî bi destên kurdan nehête rêştin, bila destê aştiyê û birayiniyê bo miletên tirik, ereb û faris bihête dirêjkirin.

Herweha kongire bibe handerekê bihêz bo êkgirtin û êkrêziya miletê kurd ku kurd jî mîna hemî miletên cîhanê bi mafên xwe şad bibin û jiyaneka bêy şer, kuştin, zîndankirin û awarekirinê bibene ser, daku kurd bişên pêngavan pavêjin berev omêda mezin, ewjî êk ala, êk sinor û êk serweriye.

Xalid Ehmed Badî

Kongreya Neteweyî û bicîhkirina "xewna mezin"

  • Weşanger: Kurdlist
  • Beş/Mijar:
  • Parve bike

    0 şîrove:

    Post a Comment

    TU ÇI DIBÊJÎ?

    Şîroveya xwe binivsîne û bi riya HAWAR NET'ê dengê xwe bigihîne herkesî!

    Ji bo şîrove nivîsandinê pêşî yan "name/URL" an jî "anonoymous" ê hilbijêre...

    Divê şîrove ve bi Kurdî bêne nivîsandin...

     

     

     

     

    Here Jor

     

    Copyright © HAWARNET Nêrîn | Beşa vîdeoyan ya Rojnameya HAWARNET'ê | Sewirandin ji aliyê Renas Media û Ev Weşana Hawar Kurdistan Media ye. | Hemû mafên weşanê ya HAWARNET parastî ne.  HAWARNET All Rights Reserved. |   Têkîlî: agahi@hawarnet.org