Emê kengî bibin Kurdên xwe? ~ HAWARNET Nêrîn

11/8/13

Îran, turkîa, Suriye û iraq dujminatiya me dike û em kurd jî dûşminê hevin û part û aliyên siyasî yên kurd tehamula navê hevdu jî nakin û ragehandinên xwe li dijî hev bikar tînin û em bi temamî bi hev mijul dibin, belkî jî raste em ne kurdên xwe ne, em her yek bune kurdên dewletekî dagirkerên kurdistanê... . 
______________________________________________________________________________




SERCAN MEHMUD 
  


Hawar Net



08 Mijdar, 2013 Weşandin:1902 (Gor Dema Kurdistanê), hawarnet.com






______________________________________________________________________________




Nivîserekî navî wî ne pêdiviye çend roj berê serdana duhokê kir û me hevdîtinek kir, merema serdana wî taqîbkirina pêşkevtinên herêma kurdistanê û ji nêz ve şopandina rewşa rojavayê kurdistanê bu, digot dema ez berxwedana li rojava dibînim ji elmanya heta kurdistanê xwe naçar dibînim ku rêzê li xort, keç, jin, zarok û heta axa rojava bigrim, ji ber ku zarokên rojava di cîhê cîhanê da şerê terorîzmê dikin û ew rêxistina terorîst ku emrîka û ewrupa û nato li efxanistanê şikand, li hemberî zarokên rojava şikestinekî dîrokî xwariye û turkîa û hejmarek welatên erebî jî di şerê li dijî kurdan da piştgiriya rêkxistinên terorîst el nusra û dewleta îslamî ya Iraq û şamê yên ser bi el qaîde ve dikin, lê dîsan jî roj bi roj şoreşgerên rojava wan teorîstan jinav dibin, ev cîhê serbilindiyê ye bo kurdan lê di heman demê da jî cîhê şermezariyê ye ji bo turkîa, welatên erebî û ewrupa û emrîka... 

Gelek ciwan nav li partên kurdan jî kir, belkî gelek caran ji aliyê hindek zanayên serbixwe yên kurdan ve ew tişt hatibin gotin lê dema yekî elman dibêje ew cuda ye, nivîserê elmanî li ser pirsa aloziya di navbera part û aliyên siyasî yên kurdistanê da digot: we bi salan jibo Îran, turkîa û suriyê şerê hev kir yanî we birakujî kir, ma hunê kîngê ji bandora eqlê duşminên xwe derkevin û biben xwedan eqlekî kurdî ya resen... kîngê hunê rêz li deskevtên hevdu bigrin û bibin kurd? ma hun ne netewin? bo çi berjeweniyên netewî li ser berjewendên partiyan ve nagrin? bo çi hun aloziyên di navbera xwe da nakin qurbana berjewendiyên netewî?

Bi rastî jî li hemû cîhanê gel heta demekî li pişt partiyan diçe heta wê demê ku berjewendiyên welatê xwe nexin di nav bazarê da lê dema nirxên wan bibe bazara gengeşeyan bi xwenîşandanên wesa mezin bersiva partên xwe didin ku ew part neçar dimînin ku xwe rast bikin û siyasetên xwe ji ber çawan derbaz bikin, lê mixabin ev yek jî li welatê me berovajiya cîhanê ye, siyasî yên me gotinek dikin, gotineka gelek şaş û li dijî yekrêziya nav mala kurdî ve disekinin û genc û lawên me di cîhê ku xwedan li yekrêziyê netewî derkevin dest bi axavtinên gelek qirêj li dijî serokên kurdan dikin û ragehandinên kurdî jî her yek dibe terefê aliyekî û yek bi yek dosyayên hevdu yên qirêj derdixin meydanê û çi qiymet û rêzê ji hevdu re nahêlin... divê gencên me ragehandina me hemû beşên civaka kurdî êdî ji partên kurdî re bêjin êdî bese... yan kurdayetiyê bikin yan jî li ser rêya azadiyê rabin...

Ey lawên kurd, rojnemager, rewşenbîr, nivîser û gencên kurdan em nebin beşek ji pirsên navxwe yî yên part û aliyên siyasî yên kurdî, werin em bibin faktorê çarekirina aloziyên di nav siyasî yên kurdistanê da û em xetên sor nîşanî wan bidin û bêjin êdî bese… 

Em ji bîr nekin çi dema peyweniyên di navbera kurdan da xirab dibe, yekser diplomasiya di navbera turkîa, îran, Iraq û suriyê da zêde dibe û aloziyên xwe datînin aliyekî û gengeşeyê li ser bê bandora kirina kurdan dikin û bo binxistina doza kurdî wek yek tîm kar dikin… evca çima em kurd jibo berjewendiyên netewî nabin yek û wek yek tîm kar nakin?... 

Werin em êdî nebin kurdên turka, kurdên Iraqê, kurdên Îranê û suriyê, werin em bibin kurd û kurdistanî….

Emê kengî bibin Kurdên xwe?

  • Weşanger: Kurdlist
  • Beş/Mijar:
  • Parve bike

    0 şîrove:

    Post a Comment

    TU ÇI DIBÊJÎ?

    Şîroveya xwe binivsîne û bi riya HAWAR NET'ê dengê xwe bigihîne herkesî!

    Ji bo şîrove nivîsandinê pêşî yan "name/URL" an jî "anonoymous" ê hilbijêre...

    Divê şîrove ve bi Kurdî bêne nivîsandin...

     

     

     

     

    Here Jor

     

    Copyright © HAWARNET Nêrîn | Beşa vîdeoyan ya Rojnameya HAWARNET'ê | Sewirandin ji aliyê Renas Media û Ev Weşana Hawar Kurdistan Media ye. | Hemû mafên weşanê ya HAWARNET parastî ne.  HAWARNET All Rights Reserved. |   Têkîlî: agahi@hawarnet.org