Hindek hizir û boçûn bo avakirina dewletê hene, lew me divêt bi van serqeleman bi nivêsîn, bi taybetî jî bo me kurdan dê gelek bi mifabin heke kar li ser bihête kirin, çunku niho gelê kurd li herêma Kurdistanê di qonaxa avakirina dewleteka serbexwe da diborît.
Heku em basê avakirina dewletê dikeyin, pêdiviye amajeyê bideyine babetê avakirina dîmokrasiyetê, çunku pêdiviyatiya serekiye bo avakirina dewleteka serdem, anku avakirina dîmokrasiyetê dê bîte eger ku civakekê sivîl û kara bihête pêkînan û qanûn serwer bît, zêdebarî astekê pêşkevtiyê aborî.
Bi vî rengî, çaksarîkirin di pêşêxistina aborî da, mercekê dîtirê serekiyê avakirina dewletêye, ev yeke jî dê bi rêya bihêzêxistina dezgehên heyî bicihbît, yan damezirandina hindek dezgehên dîtirên nû û kara bo piştbestinê bi hêz û pêdiviyatiyên navxuyî, zêdebarî danana hindek siyasetên serkevtî bo pîşesaziyê pêxemet wergirtina serbexwebûna aborî wek hêviyek û rêyek li berahiyê bo serbexwebûna siyasî li wextên pêdivî û jîwarên guncay, ev yeke jî hîngê dê bicihbît, wextê biryara kurdan didestên wanda bît dûr ji maytêkirinên derekî ewên bizavê diken ezmûna serkevtiya herêma Kurdistanê ji navbiben, ew herêma li ser karwanê avedankirinê û pêşkevtinê berdewam, herwesa derkevtina kurdan jibin givaştinên hukmeta navendî, ewa bizavê diket xwastên xwe li ser kurdan bi sepînît û destan danîte ser ayîndeyê miletê kurd ku eve hizir û eqliyeta wan kesane, ewên nihu desthelatdaryê li Bexdayê diken. Eha bi vî rengî, hindî ku pêdiviyatî bi avakirina dewletê heyî û tumet dihêne arastekirin bo wê, ji pêdiviyatiyên serekîne di vî serdemê niho da.
*Mamostayê hizra siyasî. Senterê vekolînên zanistî û xwandinên kurdî li zankoya Duhokê.
0 şîrove:
Post a Comment
TU ÇI DIBÊJÎ?
Şîroveya xwe binivsîne û bi riya HAWAR NET'ê dengê xwe bigihîne herkesî!
Ji bo şîrove nivîsandinê pêşî yan "name/URL" an jî "anonoymous" ê hilbijêre...
Divê şîrove ve bi Kurdî bêne nivîsandin...