Di axaftina xwe ya derbarê 13 leşkerên ku li herêma Farqînê hatin kuştin da serokwezîrê Tirkiyê Erdogan, sola Bahçelî di teqê ra avêt û weke faşîstekî neyarê kurdan, miletê kurd tehdît kir..
ZINARÊ XAMO Erdogan got, ”xwediyên vê êrîşê û hevalbendên wan dibê ji me nêteke pak mepên, hêzên me yên ewlekariyê bedela vê yekê ewê li ser wan pir buha bidin rûniştandin.”
Erdogan ji dêlî ku sinyala rawestandina operasyonan bide, got, ”operasyon ewê dom bikin û hewce be ewê operasyonên dersînor jî werin kirin.”
Erdogan derbarê çareseriya mesela kurd jî ji dêlî îşaretke pozîtîv, îşareta berdewamiya şer û pevçûnan da û got, ”ewê bi xwediyên van kirinan ra tu carî rûnin û weke her tim, dîsa riya ”teslîmbûnê” nîşanî kurda da û got:
”Heger ew aştiyê dixwazin yek tişt heye dibê bikin, ew jî ev e: Rêxistina terorê carê dibê çekan deyne. Heta ku çekan daneynin ne operasyon disekinin û ne jî ev merhele berbî nuxteyeke din ve dihere.”
Yanî bira werin teslîm bibin.
Erdogan di axaftina xwe da tiştekî din jî ji devê xwe revand, li hemberî kurdan îşareta ”siyaseteke” nuh ya hîn dijwar da û got:
”Merheleya piştî vê bi stratejiyên pir cihê, bi îcraatên pir cihê ewê xwe nîşan bide. Dibê ew vê jî bizanin.”
Ev jî tê wê maneyê ku hukûmeta AKP-ê, ji nuha û pê va bi leşker, MHP-ê û CHP-ê ra li hemberî kurdan ewê hin ”siyasetên” nuh têxin dewrê.
Îcar ev ”stratejî û îcraat/praktîk” çi ne û ewê xwe çawa nîşan bidin di rojên pêş da emê bibînin.
Ji van gotinên Erdogan, ji parastina wî ya artêşê û belavoka bi MHP-ê û CHP-ê ra diyar dibe ku hukûmetê di ”stratejiya” xwe ya nuh da bi leşker û muxalfetê ra li hev kiriye.
Meriv vê yekê ji belavoka hersê partiyan ya li ser navê meclîsê belavkirine jî fêm dike.
Piştî bûyerê, AKP-ê, CHP-ê û MHP-ê li ser navê Parlamentoya Tirkiyê beyaneke mişterek dan. Di beyanê da wiha tê gotoin:
”Her êrîşên siyasî û leşkerî yên li hemberî yekîtiya miletê me, yekparetiya welatê me û yekbûna dewleta me mahkûmê bênetîcebûnê ne.
Di hemû hewlên hukûmetê yên li djî terorê û cudakariyê da emê bi hukûmetê ra bin. Têkoşîna Komara Tirkiyê ya li dijî terorê demokratîk, meşrû û huqûqî ye.”
Ev beyan jî nîşan dide ku di rojên teng da hebûna hin kurdên xwedêgiravî hinekî kurd di nava partiyên tirk da tu qîmetî herbiyeya wan tuneye, di rojên wiha da ji tirsê ew jî kurtpist dibin û li dijî nîjadperestan newêrin dengê xwe derxin.
Ev beyana mişterek ya AKP-ê, CHP-ê û MHP-ê îspata vê yekê ye.
Erdogan di beyana xwe ya derbarê bûyerê û mesela kurda da tiştên hewasî nîjadperest gotin ku loma jî MHP-ê û CHP-ê piştgirî danê.
Erdogan mêrik careke din jî diyar kir ku tu nêteke wan ya çareseriya mesela kurd tuneye, ji xwe mêrik dibêje ”mesela kurd tuneye”, tiştê heye mesela PKK-ê û terorê ye û loma jî ewê tu carî hebûna miletê kurd qebûl nekin.
Erdogan di vî warî da wiha got:
”Berî her tiştî, emê tu carî destûrê nedin li ser 780 hezar kîlometerkareyê emeliyat were kirin, dibê ev yek baş were zanîn.
Ya duyem, emê tu carî destûrê nedin kes bi dîtina me ya yek miletî bilîze. Berî hilbijartinan min gotinek bikar anî, min got, li vî welatî êdî mesela kurd tuneye. Li vî welatî mesela PKK-ê heye. Tu kesê nikanibe dîtina me ya ”yek milet, yek welat, yek dewletê” biguherîne.”
Mêrik pir vekirî dibêje ku kurd tunene, mesela kurd tuneye, tiştê heye mesela PKK-ê û terorê ye. Lê hin kurdên me dîsa jî ji bo serkeftina wî bi şev û roj jê ra dua dikirin, digotin înşeelah AKP-ê ewê qezenc bike û Erdoganê jî careke din bibe serokwezîr.
Ê va ye Xwedê dua wan qebûl kir û Erdogan cara sêyem jî bû serokwezîr. Lê ji dêlî hel bike, mêrik dibêje "yek milet" û li Tirkiyê mesela kurd tuenye...
Him neheq in him zorba ne
Tirk qewmekî bela û çamûr e, mêrika him sûcdar in û him jî zorba ne.
Him bi şev û roj li pey kuştina kurdan digerin û him jî dema tên kuştin, dibêjin çima hûn me dikujin? û weke rûviyan dikin waqe wqa...
Diyar e li gorî tirkan dibê gerîla qet xwe neparêze û dema tirçûn ser wan, blbêjin kerem bikin, me bikujin…
PKK-ê ev çend meh in ku yekalî agirbest îlan kiriye û ji her roj ji dewletê jî dixwaze ku ew jî agirbestê îlan bikin û operasyonan bidin rawestandin.
Lê artêş û hukûmet dibêjin heta yek ”terorîst” jî hebe em operasyonan ranawestînin û loma jî her roj çiya û baniyên Kurdistanê bombebaran dikin.
Û do li herêma Farqînê di operasyonan da bi şaşî 13 leşkerên xwe di dema bombebaranê da kuştin û heft heb jî birîndar kirin.
PKK-ê bi şiklekî resmî got ku leşker ne ji teref gerîlla, ji di netîceya bambebarana ahelîkopterên artêşê da hatine kuştin.
Lê li gel vê jî Erdogan henekê xwe bi van îdîayan dike û dibêje ev îdîa hemû derew in.
Lê wezîrê hundur yê Tirkiyeyê Idrîs Naîm Şahîn qebûl kir ku 13 leşker şewitîne û mirine. Û di derbarê çawa bûye û kê kiriye jî got ”kê agir pê xistiye ne giring e…”
Yanî nikanîbû bigota ku PKK-ê kiriye, heger bi rastî PKK-ê kiribûya ewê xwe biçiranda û bigota..
Ev jî tê wê maneyê ku artêşê kiriyem.
Dîsa li gorî agahiyên artêşê, di vî şerî da 7 gerîla jî kuştine.
Ji xwe kes tew qala 7 gerîlayî nake, fena ku leşkerên wan wan însan in, lê gerîla ne însan in…
Him yên êrêşkar ew in û him jî ji ber ku di şer da leşkerên wan hatine kuştin ji do da ye dîsa qiyamet rakirine.
Û bi îhtîmaleke mezin piraniya leşkeran jî dîsa ewê kurd bin. Yanî yên ji herdu aliyan hatine kuştin jî kurd in.
Û di ser vê da jî Erdogan îro dîsa kurd tehdît kirin, got, ”Hêzên ewlehiyê ewê bi awayekî giran heyfê rakin. Û heger pêwîst bibe ewê operasyonên dersînor jî bên kirin.”
Dîsa eynî çîrok û eynî neqarat.
Meriv ji beyanên Erdogan, Gul û Çîçek wisa fêm dike ku hukûmeta AKP-ê ne li dijî operasyonan e, êrîş û operasyonên artêşê bi dilê wan e jî.
Ji ber ku Erdogan û gelkî pesnê fedekarî û qehmeremaniyên artêşê dide û dibêje emê ”terorê” biqedînin.
Yanî di axaftinên Erdogan, Gul û Çîçek da meriv sinyalên rawestandina operasyonan nabîne. Belovacî wê, îşaretên şerekî hîn berfireh û hîn dijwar didin.
Tiştê xuyaye, heger hukûmetê nexwesta nuha ji zûda operasyon rawestiyabûn û di mesela kurd da gaveke baş hatibû avêtin.
AKP û artêş dixwazin berê PKK-ê û BDP-ê biqedînin, tevgera kurd ya netewî tasfiye bikin û dû ra , ewê bifikirin, ka ewê tiştekî bidin kurdan ya na?
Heger ne wiha bûya nuha ji zûda ev şer rawestiya bû.
Erdogan dîsa "ço" nîşanî kurdan da û got "mesela kurd tuneye"
Beş/Mijar:
ZINARÊ XAMO
0 şîrove:
Post a Comment
TU ÇI DIBÊJÎ?
Şîroveya xwe binivsîne û bi riya HAWAR NET'ê dengê xwe bigihîne herkesî!
Ji bo şîrove nivîsandinê pêşî yan "name/URL" an jî "anonoymous" ê hilbijêre...
Divê şîrove ve bi Kurdî bêne nivîsandin...