FORUMA HEVBEŞ
Hawar Net
22 Tebax, 2013 Weşandin:0517 (Gor Dema Kurdistanê), hawarnet.com
______________________________________________________________________________
Hevîrê kesayeta lehengên ku li Rojava tevî hemû bederfetiyan, dorpêç û êrîşan bi berxwedana xwe şoreşeke zêrîn ji dîrokê re diyarî dikin bi helbestên Cegerxwîn, Osman Sebrî, Nûrî Dersimî, bi serpêhatî û berxwedanên li sê parçeyên din ên Kurdistanê, bi stranên Mihemed Şêxo bi efsûn û efsaneyên li ser axa dîrokê li ser dest pê kir û gelê ku tovê yekemîn a şaristaniyê çand hatiye strîn.
Sir û raza ku rojavayê Kurdistanê di demeke ewqasî kin de pêkanîn û domandina şoreşeke mînak a model ji bo hemû herêmê di van taybetmendiyên li jor hatin rêzkirin de ye. Pratîzebûna felsefe, bîrdozî û rêya çareseriyê ya Rêberê Gelê Kurd a ji paşverûtî-statukoparêziya herêmî û polîtîkayên hêzên global ên mudaxelekar ku herêm wergerandina gola xwînê. Mîna xeta 3’yemîn a çareseriya pirsgirêkên herêmê bi rêbazên demokratîk û derketina îradeya gelan Şoreşa Rojava li asîmanên Rojhilata Navîn diçirûsê û rê nîşanî gelên ku di nav geremol û kaosa ji ber polîtîka û kirinên hêzên statukoparêz û yên mudaxelekar de afiriye.
Her ku berxwedan xurt dibe, her ku rêxistinbûyîn û avakirina modela jiyana modern li rojavayê Kurdistanê bi pêş dikeve ji aliyekî ve êrîşên hêzên ku nikarin bilindbûna kurdên heta duh hebûna wan ne dihate qebûl kirin xezm bikin wê dijwartir bibin. Lê belê bi vê re hevdeng li ber çavan girtin, weke îrade qebûl kirin û muxatabgirtina kurdan jî di qada navneteweyî de zêde dibe.
Bi fermî qebûlkirin û hewldana Rûsyayê ya ji bo weke alî beşdarkirina Kurdan a 2’yemîn Konferansa Cenewreyê encemeke vê berxwedanê ye.
Tevî êrîşkirina çete û komên terorîst a ji aliyê Tirkiyeyê ve neçarmayina wê ya muxatapgirtina PYD û DBK’ê jî encameke vê berxwedanê ye. Berxwedan û serkeftina YPG’ê ya li dij komên girêdayî El Qaîdeyê yên bi desteka dewletên herêmê yên mîna Tirkiyeyê di vê astê de berxwedan û bi erdê re kirina yek a karîzma û navdariya El Qaîdeyê li tevahiya cîhanê sempatiyeke mezin afirandiye. Şik û guman tune ye ku di vî şerî de serkeftina YPG’ê wê di qada navneteweyî de naskirin, rewadîtin û fermîbûna statuya rojavayê Kurdistanê bi xwe re bîne. Ji ber ku şerê niha li Rojava tê dayin ne şerê YPG’ê û hin komên çete û terorîst bi tenê ye, di rastiyê de berxwedana îradeya tevahiya kurdan li dij hemû hevkarî, îtîfak û hebûnên dij kurd e, serkeftina YPG’ê wê destkeftî û şoreşên li parçeyên din jî misogertir bike.
Serkeftina Rojava dê bibe serkeftina hemû kurdan ji ber vê yekê jî bi her awayî hêzdayin û cîhgirtina di nava Şoreşa Rojava de erk û berpirsiyariya sereke û jiyanî yê her kurdî ye.
Azîz Ogur
0 şîrove:
Post a Comment
TU ÇI DIBÊJÎ?
Şîroveya xwe binivsîne û bi riya HAWAR NET'ê dengê xwe bigihîne herkesî!
Ji bo şîrove nivîsandinê pêşî yan "name/URL" an jî "anonoymous" ê hilbijêre...
Divê şîrove ve bi Kurdî bêne nivîsandin...